Fermerët e Fierit dhe Beratit protestojnë për rritjen e çmimeve

Fermerë të Fierit dhe Beratit protestuan të dielën për rritjen e çmimit të plehrave kimike, inputeve bujqësore dhe çmimit të naftës.

Në protestën e organizuar në rrugë nacionale Berat-Fier, fermerët kanë kërkuar nga Ministria e Bujqësisë të rishikojë subvencionet e të rrisë fondet për bujqësinë.

“Plehrat kanë çmim të lartë, nafta 2000 lekë litri, këta fermerë që shikon këtu për 2-3 muaj i ke të ikur në Gjermani. Rishikoni projekt buxhetin e bujqësisë shqiptare ndryshe do të falimentojmë të gjithë njëkohësisht”, bëri thirrje një nga fermerët.

Sindikata e Fermerëve të Bashkuar i ka dërguar një shkresë zyrtare qeverisë ku kërkojnë subvencione, ulje të çmimit të naftës dhe rritje të imputeve bujqësore.

LEXONI GJITHASHTU:

• Fermerët e Devollit në protestë për shtrenjtimin e naftës dhe plehrave kimike
• Bujqësia nuk njohu zhvillim gjatë 2021, fermerët të pakënaqur me taksat e reja