Festivali “takim mes dy botëve”, në edicionin e 14-të u shkrinë muzika klasike me poezinë greke

Është mbajtur mbrëmë në parkun helen në liqenin e Farkës, festivali “Takim mes dy botëve”. Veç muzikës, klasike nuk mungoi as muzika greke.

Nga Gjirokastra, festivali “Takimet muzikore të dy botëve” mbërriti mbrëmë ne Tiranë në Parkun Helen në Liqenin e Farkës, për të sjellë një natë të gjatë artistike mes muzikës dhe poezisë bashkëkohore Greke.

Mbrëmjen e kaluar skena u nda mes dy violonçelistëve babë e birë, Vangjel dhe Fernando Nina, dhe aktores Ema Andreas e përthyesit Sokol Cunga.

Repertori muzikor përveç autorëve të njohur grekë, përmbante vepra edhe nga klasikë të tjerë.

“Luajmë disa pjesë që nga periudha klasike, ajo më kontemporane e deri në ditët e sotme. Jemi munduar të përzgjedhim autorë shqiptarë, grekë, italianë, irlandezë”, u shpreh violonçelisti Vangjel Nino.

Të folurit përmes poezisë ishte një risi e bukur e këtij edicioni, ndërthurur në gjuhën shqipe dhe greke.

Festivali “Takimet muzikore mes dy botëve”, organizuar nga Ambasada e Greqisë dhe “Argjiro” ka mbërritur në edicionin e 14-të, por në kaq vite ky festival ka filluar të shtrihet edhe në qytete të tjera.

LEXONI GJITHASHTU:

• Tirana International Film Festival, java magjike e kinemasë në kryeqytet