Fidel Ylli vlerësohet me titull nga Komiteti Olimpik Europian

Presidenti i Komitetit Olimpik Kombëtar Shqiptar, Fidel Ylli nderohet me çmimin më të rëndësishëm të vlerësimit të figurave ndërkombëtare në sport nga Komiteti Olimpik Europian.

Ishte vetë presidenti i EOC, z. Spyros Capralos, ai që i dorëzoi vlerësimin kreu të KOKSH-it “Laurel’ Award” për kontributin e jashtëzakonshëm për sportin shqiptar dhe atë europian dhe për angazhimin e çmuar ndër vite për Lëvizjen Olimpike në Shqipëri.

Vlerësimi për Fidel Yllin u bë gjatë Seminarit të 42-të të EOC, në prezencë të përfaqësuesve të 50 shteteve, anëtarëve të EOC dhe IOC.

Presidenti i KOKSH në fjalën e tij, pasi falënderoi të gjithë të pranishmit, deklaroi se ky vlerësim vjen pas një pune kolosale dhe bashkëpunimit institucional të KOKSH me partnerët: Federatat Sportive, Ministrinë e Arsimit dhe Sportit dhe qeverinë shqiptare.

Presidenti i KOKSH ftoi të gjithë të pranishmit dhe drejtuesit e Komiteteve Olimpike të vizitojnë Shqipërinë si dhe propozoi që Seminarin i radhës i EOC të organizohet në Tiranë.

LEXONI GJITHASHTU: 

• Kërkesa e Ukrainës për anëtarësim në NATO, reagon Josep Borrell
• Fidel Ylli: S’kemi terrene për aktivitete, sporti me detyrim në shkolla
• “Pallati ynë i sportit i kohës se Petrit Dumes”, Fidel Ylli i rendit kërkesat Ramës