Finlanda debat për anëtarësimin në NATO

Grupet parlamentare në Finlandë shprehën mbështetjen e tyre për t’u bashkuar me NATO-n, në një seancë të mbajtur të mërkurën.

Social-demokratët e kryeministres Sanna Marin nuk e përmendën NATO-n në fjalën e tyre, por theksuan nevojën e aderimit në një aleancë ushtarake.

“Është e qartë se veprimet e Rusisë e kanë çuar Finlandën më pranë nevojës për një aleancë ushtarake”, deklaroi kryetari i grupit social-demokrat, Antti Lindtman.

Edhe qytetarët janë dakord.

“Kemi qenë të sigurt deri tani, por mendoj se duhet të ishim bashkuar me NATO-n që në vitet ’60, pasi kemi kufirin më të gjatë me Rusinë”, tha një qytetar.

“Unë kam qenë kundër NATO-s, por për shkak të situatës aktuale tani jam pro”, u shpreh një qytetare.

Nga ana e saj, Rusia ka paralajmëruar se do të marrë masa nëse Finlanda anëtarësohet në NATO e bashkë me të edhe Suedia, që së fundmi ka shprehur dëshirën për të aderuar në Aleancë.

LEXONI GJITHASHTU

• Suedia dhe Finlanda shumë pranë anëtarësimit në NATO