Finlanda dhe Sllovenia shpresojnë për liberalizimin e vizave për Kosovën

Edhe pse procesi i liberalizimit të vizave për Kosovën ka zgjatur për vite me radhë, ministrja e Jashtme e Finlandës, Tytti Tuppurainen deklaroi se BE-ja do ta finalizojë procesin në muajin e ardhshëm.

Deklaratën, Tuppurainen e dha gjatë një konference për shtyp të mbajtur në Prishtinë, shkruan Schengen Visa Info.

Tuppurainen ka theksuar se Finlanda mbështet procesin euroatlantik të Kosovës si dhe të rajonit të Ballkanit Perëndimor.

Ndërsa, presidentja Vjosa Osmani, gatë vizitës së saj në Slloveni ka përsëritur se Kosova i ka përmbushur të gjitha kërkesat dhe nuk ka nevojë të vendosen kushte të mëtejshme.

Homologu slloven Borut Pahor inkurajoi vazhdimin e dialogut ndërmjet Kosovës dhe Serbisë duke shprehur mbështetjen për rrugëtimin euroatlantik të Kosovës.

LEXONI GJITHASHTU

• Finlanda optimiste për liberalizimin e vizave për Kosovën në vjeshtë
• Kurti: Po të ishte Serbia demokraci e mirëfilltë, s’do kërcënonte rajonin