Para takimit me kryeministren e Finlandës, Sanna Marin, kryeministri i Kosovës, Albin Kurti bëri një intervistë me mediumin zviceran, “Blick”.

Përveç pyetjeve rreh situatës aktuale me Serbinë, Kurti u pyet edhe për futbollistët kosovarë që janë pjesë e Kombëtares së Zvicrës, raporton KosovaPress.

“Helvetikët” dihet se janë shtëpia e disa prej futbollistëve që kanë rrënjë kosovare, dhe Kurti u pyet rreth rastit të fundit në ndeshjen mes Zvicrës dhe Serbisë në Kupën e Botës “Katar 2022”.

Pas ndeshjes, Granit Xhaka u pa duke festuar me një fanellë me mbishkrimin Jashari, mbiemri i komandantit të parë të Ushtrisë Çlirimtare të Kosovës (UÇK).

Kurti u pyet nëse përfshirja e politikës në fushën e futbollit është gjë normale për të, ndërsa përgjigja e tij ishte kjo:

“Varet. Mendoj që deklaratat kundër racizmit janë të drejta dhe të rëndësishme. Dhe nëse dikush nderon identitetin e tyre, atëherë është normale për mua”.

Po ashtu, Kurti kishte edhe një mesazh për Xhakën, Shaqirin dhe futbollistët e tjerë kosovarë që janë pjesë e Zvicrës.

“I falënderoj ata që frymëzuan kaq shumë talent të rinj për të luajtur futboll. Edhe në Kosovë”, tha Kurti.

LEXONI GJITHASHTU:

• Lajçak takon Kurtin në Davos: Diskutuam për hapat e mëtejshëm në dialogun me Serbinë
• Putini, i fiksuar pas Kosovës; | Kurti: Çfarë e zemëron presidentin rus