Fituesit e filmit në Venecia, filmi shqiptar ‘Vera andrron detin’ fiton dy çmime

Filmi nga Kosova “Vera andrron detin” triumfoi në Festivalin e Venecias, i cili mbrëmjen e djeshme bëri me dije edhe trofetë për filmat më të mirë.

Filmi me regji të Kaltria Krasniqit dhe skenar të Doruntina Bashës, u vlerësua me çmimin  “Edipo Re’ për efektin përfshirës që të krijon dhe me çmimin për ‘Autoret gra nën 40 moshën vjec‘. 

“Vera andrron detin” është filmi i parë nga Kosova që u shfaq premierën në Festivalin e  filmit në Venecia.

Ai pasqyron rrëfimin e një gruaje që lufton kundër pabarazive gjinore. ’Vera andrron detin’ është një bashkëprodhim kinematografik mes Kosovës, Maqedonisë së Veriut dhe Shqipërisë.

Filmi francez mbi abortin e paligjshëm ‘Ngjarja’ është fituesi kryesor i Festivalit të Filmit në Venecia duke rrëmbyer Luanin e Artë.

Edicioni i 78 -të i festivalit më të vjetër të filmit në botë përfundoi duke mbledhur mbrëmjen e së shtunës yjet e kinematiografisë.

Festivali këtë vit ishte konkurues, duke përfshirë filma si “Fuqia e qenit” “Nënat paralele” “Vajza e Humbur” dhe “Dora e Zotit” e Paolo Sorrentino, i cili mori çmimin e dytë, Luani i Argjendtë, për filmin e tij gjysmë-autobiografik “Dora e Zotit”.

Filmi  “Fuqia e qenit’ fitoi çmimin për regjinë më të mirë. 

Penélope Cruz fitoi çmimin për aktoren më të mirë për interpretimin e saj si nënë e re në “Nënat paralele”.

Ceremonia e ndarjes së çmimeve përfundon festivalin e parë të madh të filmit të sezonit të vjeshtës, i cili deri më tani është vlerësuar  një sukses i jashtëzakonshëm, pavarësisht shqetësimeve nga pandemia.

LEXONI GJITHASHTU:

• ‘Enea rikthehet në Butrint’, familja Nika jetëson legjendën e Trojës
• Certifikata e vaksinimit kusht për të hyrë në Teatrin e Operas dhe Baletit