Flirti që i kushtoi martesën kryeministres së Finlandës

Kryeministrja Sanna Marin, e cila e futi Finlandën në NATO, njoftoi pak ditë më parë se po divorcohej nga bashkëshorti i saj, me të cilin ishte në lidhje prej 19 vjetësh.

Ata janë prindër të një vajze 5-vjeçare. Dyshja kurorëzuan lidhjen e tyre në vitin 2020. Ndërkohë, “Daily Mail” ka publikuar së fundmi foto të ish-bashkëshortit të saj me një vajzë misterioze disa javë para ndarjes.

Media britanike shkruan se 37-vjeçari ka flirtuar dhe kërcyer me një vajzë, e cila dyshohet të jetë indiane. Edhe mediat në Finlandë kanë shkruar se Räikkönen, në gjendje të dehur, ka tentuar disa herë ta puthte vajzën teksa qëndruan në lokalin e natës në Helsinki.

Sanna Marin humbi zgjedhjet muajin e kaluar dhe do të lërë postin e kryeministres së Finlandës. 37-vjeçarja u përfshi në një sërë skandalesh gjatë vitit të kaluar. Në gusht, Sanna Marin u filmua teksa kërcente në një lokal nate me një këngëtar finlandez.

Në atë kohë, u fol se ata kishin një lidhje, por këto pretendime u hodhën poshtë nga kryeministrja në mënyrë kategorike.

LEXONI GJITHASHTU:

• Sanna Marin mposhtet nga konservatorët e Finlandës në një garë të ngushtë
• Kryeministrja finlandeze Sanna Marin kërkon divorcin