Florian Marku mund ukrainasin dhe shpallet kampion bote në IBF

Ditë historike për boksierin Florian Marku. Lushnjari 28 vjeç fitoi titullin e parë në karrierën e tij duke u kurorëzuar kështu kampion bote për federatën IBF në boks, në një sfidë mjaft të luftuar.

“Luftëtari” shqiptar u shpall fitues me pikë kundër ukrainasit Maksim Prodan, pas zhvillimit të dhjetë raundeve.

Në stadiumin Tottenham Hotspur, i cili ishte mbushur plot me tifozë, Marku tregoi gjatë gjithë kohës se ishte mbi kundërshtarin.

Kjo vlerësohej si ndeshja më e rëndësishme në karrierën e deritanishme në boksin profesionist për Florian Markun, i cili shkroi sukses pasi arriti t’i shkaktonte humbjen e parë në karrierë ukrainasit Maksim Prodan.

AND THE NEW 🔝

Florian Marku wins the IBF International Welterweight Title 🇦🇱 pic.twitter.com/tCM2w4Qg8x

— DAZN Boxing (@DAZNBoxing) September 25, 2021

Marku ka dëshmuar një ecuri shumë të mirë në karrierën e deritanishme. Në dhjetë përballje, nëntë i ka fituar dhe një tjetër e ka mbyllur në barazim.

Ky duel ishte parashikuar të luhej në muajin qershor, por një lëndim i Markut bëri që sfida të shtyhej për në shtator dhe në fund pritja u kurorëzua në sukses të plotë për boksierin shqiptar.