Fluks turistësh në Finlandë për Krishtlindjet

Pas Krishtlindjes së mëparshme të prekur nga pandemia, babagjyshi i Krishtlindjes i është rikthyer punës në Lapland.

Rajoni verior finlandez, që në përralla është shtëpia e babagjyshit, po përgatitet për një fluks turistësh. Mbi 63 mijë pritet të mbërrijnë në kryeqendrën Rovaniemi.

“Ky sezon do të thyejë pa dyshim të gjitha rekordet. Jo vetëm në dhjetor, por dhe më vonë në janar, shkurt dhe mars. Do të jetë një sezon i fuqishëm për Laplandin”, thotë Sanna Kärkkäinen, pronare agjencie turistike.

Industria e turizmit është karakterizuar nga një rilindje, me fluturimet e reja në rajon dhe pronaret e resorteve që po investojnë më shumë për akomodimin e turistëve.

“Kemi marrë 60 qen më shumë dhe 10 vetë në punë. Sezonin e kaluar ishin vetëm 6, ndërsa tani 10. Dhe do të marrim të tjerë. Gjithashtu kemi më shumë qen slitash, rreth 140”, u shpreh Janne Venäläinen, operator turistik.

Në ditët e zeza të pandemisë, turizmi në Lapland ra me rreth 90 për qind. Këtë vit, shpirti i Krishtlindjes është i gjallë dhe po lulëzon.

LEXONI GJITHASHTU

• Itali, shtrenjtimi i faturave të energjisë tkurr zbukurimet në qytete për festat
• Zelensky: Rikthehet energjia elektrike në Ukrainë për 6 milionë banorë
• ​Bundestagu gjerman miraton kufirin e çmimit për gazin dhe energjinë elektrike