Fluks turistësh në Greqi, rusët të paktë si vizitorë

Pas dy viteve të kufizimesh për shkak të pandemisë, kërkesa për udhëtime është rikthyer. Megjithatë, linjat ajrore dhe aeroportet që shkurtuan vendet e punës gjatë krizës së COVID-19 po përpiqen të vazhdojnë normalitetin.

Radhët e pasagjerëve në aeroporte janë të gjata dhe bagazhet e humbura grumbullohen gjithnjë e më shumë. Duket se do të jetë një verë kaotike për udhëtarët në Evropë. E megjithatë Greqia, një destinacion shumë popullor veror që pret miliona vizitorë çdo vit, duket se është një përjashtim.

“Në të vërtetë, ka disa probleme serioze në shumë aeroporte të mëdha evropiane që janë edhe të mirëorganizuar. Ata përballen me probleme të ndryshme, oraret, mungesën e stafit dhe me vonesa të gjata. Më duhet të them se deri më tani, aeroporti i Athinës, por edhe të gjitha aeroportet rajonale dhe sigurisht të gjithë aeroportet e ishujve nuk përballen me asnjë problem”, u shpreh ministri grek Vasilis Kikilias.

Për sa i përket këtij sezoni turistik, Greqia e ka nisur me këmbën e mbarë. Mbi 500,000 udhëtarë nga aeroportet më të mëdha amerikane pritet të mbërrijnë në Greqi vetëm me fluturime direkte këtë sezon. Vendi është gjithashtu një destinacion i preferuar për turistët francezë që renditen në vendin e parë në barometrin mujor të publikuar nga “L’Echo Touristique”.

Pavarësisht lajmeve të mira, rusët nuk do të pushojnë në Greqi këtë vit por dhe kinezët këta të fundit  për shkak të kufizimeve të COVID-19.

“Fatkeqësisht për ne, vitet e fundit numri i turistëve rusë në Greqi ka qenë shumë i vogël. Pra, nuk po përballemi me një sfidë të madhe. Në vitin 2020 kishim 50 mijë udhëtarë dhe në vitin 2021 120 mijë turistë nga Rusia. Pra, kjo përqindje këtë vit. , do të përfaqësonte vetëm 0.5% të turistëve  që vendi  mirëpret”, tha më tej ministri.

Ministria e Turizmit po përpiqet të zgjasë sezonin turistik, pasi moti është i mirë edhe në vjeshtë.

Pra është e mundur të tërheqësh turistë deri në muajin nëntor. Ministri përsërit vazhdimisht se industria e turizmit është një  element kyç i të ardhurave për ekonominë greke.

LEXONI GJITHASHTU:

• Erdogan: Greqia keqtrajton refugjatët
• Sezoni turistik godet euron, monedha europiane kap vlerat më të ulëta historike