Fondi Monetar Ndërkombëtar parashikon 50 mld dollarë ndihmë për vendet e prekura nga lufta

Fondi Monetar Ndërkombëtar (FMN) ka njoftuar se mund të ofrojë deri në 50 miliardë dollarë ndihmë financiare të menjëhershme për vendet e prekura nga lufta në Lindjen e Mesme, duke synuar të zbusë pasojat ekonomike afatgjata të krizës.

Drejtori menaxhues i FMN-së, Kristalina Georgieva, tha se kërkesa afatshkurtër për mbështetje të bilancit të pagesave mund të variojë midis 20 dhe 50 miliardë dollarëve, me shifrat më të ulëta në rast se arrihet armëpushimi.

Ajo gjithashtu paralajmëroi për efektet e krizës, duke përfshirë pasigurinë ushqimore që prek të paktën 45 milionë njerëz, duke theksuar nevojën për ndihmë të menjëhershme ndërkombëtare.