Foshnja 4-muajshe në intubim, arrestohet babai shqiptar, dyshohet për dhunë

Një foshnjë katër muajshe ndodhet e shtruar e intubuar dhe në gjendje shumë të rëndë në spitalin e fëmijëve në Greqi.

Sipas mediave, gjithçka nisi pasditen e së shtunës kur prindërit e tij e morën nga një fshat i komunës së Trifilisë ku jetojnë, dhe e dërguan në spitalin e Kyparissias pasi fëmija kishte konvulsione.

Mjekët që e kanë ekzaminuar kanë konsideruar se ai duhet të dërgohet në spitalin e Kalamatës. Kur foshnja mbërriti në Kalamatë dhe u kontrollua nga mjekët, u pa e nevojshme intubimi i tij dhe transferimi në spitalin e Athinës.

Ndërkohë mjekët kanë njoftuar policinë pasi kanë zbuluar se fëmija vuante nga sindroma e lëkundjeve dhe kishte të nxira në trup.

Babai 20-vjeçar i fëmijës, shtetas shqiptar, ka udhëtuar me foshnjën drejt Athinës, por pak më pas është arrestuar nga autoritetet, raportojnë mediat e huaja.

Ai ndodhet aktualisht në policinë e Mesinisë, pasi ndaj tij është ngritur një çështje për dhunë në familje dhe nesër paradite pritet të dalë në prokurorinë e Qiparisisë.

LEXONI GJITHASHTU: 

• Me 700 mijë euro drogë në ‘Porsche’, arrestohet shqiptari në Itali
• Arrestohet shqiptari brenda fermës së kanabisit në Angli. Deklarata para policisë