FOTO | Ky është i riu që iu konfiskuan 3 mln euro pasuri

Emiliano Shega, me banim në Peqin, është i riu që sot iu konfiskua një pasuri me vlerë 3 mln euro, e cila dyshohet se është përfituar nga aktiviteti kriminal.

31-vjeçari është dënuar në Mbretërinë e Bashkuar, për trafikim të lëndëve të forta narkotike dhe për mbajtje të armëve ofensive.

Nga hetimet rezultoi se ishte pjesë e një grupi kriminal që trafikoi drejt Mbretërisë së Bashkuar kokainë me vlerë 10 milion paund.

Gjatë aksionit të policisë, droga u gjet e fshehur nën dysheme, mbi të cilën ishte vendosur edhe një divan.

Më  herët është arrestuar në Amsterdam, Holandë, për trafikim të narkotikëve, si dhe është dënuar në Shqipëri, për mbajtje pa leje të armëve luftarake dhe falsifikim të dokumenteve.

Pasuritë e konfiskuara:

• Pjesë toke (kullotë) me sipërfaqe 45 000 m2, në fshatin Gjilek, Himarë;
• 1 apartament me sipërfaqe 130 m2, në Tiranë;
• 2 garazhe me sipërfaqe 230 m2, në Tiranë;
• 1 vile dykatëshe me sipërfaqe 500 m2, në Peqin;
• 1 apartament me sipërfaqe 111 m2, në Kryevidh, Kavajë.

LEXONI GJITHASHTU:

• Konfiskohen pasuri me vlerë 3 milionë euro, në pronësi të një 31-vjeçari
• ‘Do loboj fuqishëm’, Berisha tregon ligjin: Mënyra që Rama të dalë para drejtësisë
• Berisha-Erdoganit: Puna që bën për pushtetin e Ramës, kundër interesave shqiptare