FOTOLAJM/ Moti i keq çan rrugën që lidh fshatrat e Vlorës

Prej së martës, reshjet e dendura të shiut kanë krijuar vështirësi në qarkullim, veçanërisht në jug të Shqipërisë.

Në fshatin Vajzë të Vlorës, si pasojë e reshjeve të fundit, aksi rrugor Kotë–Sevaster ka pësuar një rrëshqitje dherash, duke u bllokuar plotësisht për qarkullimin e automjeteve.

Autoritetet u kanë bërë thirrje banorëve dhe drejtuesve të mjeteve të shmangin lëvizjen në këtë segment rrugor dhe të përdorin rrugë alternative, deri në normalizimin e situatës.

Ndërkohë, ekipet e emergjencave dhe shërbimeve rrugore ndodhen në terren, ku po punojnë intensivisht për pastrimin e rrugës dhe rikthimin sa më të shpejtë të qarkullimit.