Franca dhe Britania e Madhe do të organizojnë konferencën e Hormuzit në Paris, ja kur mbahet

Franca dhe Mbretëria e Bashkuar do të organizojnë së bashku një konferencë që synon rivendosjen e lirisë së lundrimit në Ngushticën e Hormuzit të premten në Paris, njoftoi presidenca franceze të martën.

Pallati Elize tha se presidenti francez Emmanuel Macron dhe kryeministri britanik Keir Starmer do të bashkë-kryesojnë konferencën, raportoi transmetuesi BFM TV.

Konferenca do të bashkojë “vende jo-luftëtare të gatshme të kontribuojnë” në “një mision shumëkombësh dhe thjesht mbrojtës që synon rivendosjen e lirisë së lundrimit në Ngushticën e Hormuzit kur kushtet e sigurisë ta lejojnë”, shtoi presidenca franceze.

Uashingtoni dhe Teherani zhvilluan bisedime në kryeqytetin e Pakistanit gjatë fundjavës, më të rëndësishmet që nga viti 1979 kur ata ndërprenë marrëdhëniet diplomatike, si pjesë e përpjekjeve më të gjera për t’i dhënë fund ofensivës SHBA-Izrael ndaj Iranit që ka vrarë më shumë se 3,300 njerëz që nga 28 shkurti, përpara se të ndërmjetësohej një armëpushim i brishtë dyjavor javën e kaluar.