Franca kërkon sanksione të reja për të mposhtur ekonominë ruse

Shtetet e Bashkuara dhe Evropa duhet të hartojnë sanksione të reja për të “mbytur” ekonominë e Rusisë , në mënyrë që ta detyrojnë Vladimir Putinin t’i japë fund luftës kundër Ukrainës , tha të mërkurën ministri i jashtëm francez, raporton Agence France-Presse (AFP).

BE -ja miratoi të mërkurën një paketë të re sanksionesh ndaj Rusisë, por Jean-Noël Barrot tha se raunde të shumta masash ndëshkuese nuk kanë arritur të ndalojnë pushtimin rus të Ukrainës, i cili tani është në vitin e katërt.

“Do të na duhet të shkojmë më tej, sepse këto sanksione masive nuk e kanë penguar ende Vladimir Putinin të vazhdojë luftën e tij të agresionit kundër Ukrainës ”, tha Barrot për transmetuesin BFMTV. Ai tha:

Ne duhet të përgatitemi për të vendosur sanksione shkatërruese që mund ta mbytin ekonominë ruse njëherë e përgjithmonë.

Barrot tha se do të takohej me senatorin amerikan Lindsey Graham në Turqi të enjten për të diskutuar një projektligj për sanksionet e SHBA-së mbi të cilin po punonte.

LEXONI GJITHASHTU:

• Merz: ‘Paqja e diktuar’ nga Moska në Ukrainë do ishte e papranueshme
• Costa në Podgoricë: Mali i Zi mund të bëhet anëtar i BE-së deri më 2028