Fshati Shkozë i bllokuar nga rrëshqitjet e dherave, banori: Kemi pleq të sëmurë! Nuk shkojmë dot në spital

Reshjet e dendura të shiut kanë shkaktuar rrëshqitje dherash dhe bllokimin e rrugës që lidh fshatin Shkozë me zonat përreth, duke lënë banorët të izoluar.

Përveç rrugës së bllokuar, përmbytjet kanë ndikuar edhe në disa zona të banimit, duke krijuar shqetësim të madh tek banorët.

“Kanë shkarë të gjithë dherat nga lart, dhe ka bllokuar rrugën. Jemi të izoluar. Shiu nuk pushon, sapo filloi tani përsëri.

Jemi me fëmije dhe pleq të sëmure dhe nuk kemi mundësi të shkojmë me makinë në Vlorë për në spital. Bëjmë thirrje të gjithë institucioneve për të sjellë mjetet e nevojshme për të hapur rrugën e fshatit”, tha një banor.