Funksionaliteti i ‘Kushtetueses’, Manjani: Prioritet duhet të jenë çështjet e balancës së pushteteve

Ish-ministri i Drejtësisë, Ylli Manjani tha se me bërjen funksionale të Gjykatës Kushtetuese prioriteti duhet të jetë në ato çështje që kanë të bëjnë me balancat mes pushteteve.

Duke folur në studion e Euronews Albania, juristi Manjani tha se situata e ndarjes së pushteteve është në gjendje kritike dhe duhet të jetë Gjykata Kushtetuese që duhet të vërë pikat mbi i.

 “Unë besoj se të gjitha çështjet që kanë ardhur si rezultat i prishjes së balancave të pushteteve në këtë vend duhet të jenë çështjet me objektiv prioritar që i takojnë Gjykatës Kushtetuese të vendosë pikat mbi i. Ndarja dhe balanca e pushteteve në këtë vend tashmë është e deformuar është totalisht jashtë kontrollit. Unë e kam thënë dhe vazhdoj të them që Gjykata Kushtetuese është e paplotë pa 9 anëtarë”, tha Manjani.

Lexoni gjithashtu:

Ndryshimet në qeveri, Manjani: Rama zgjodhi që çështjen e detit ta mbajë mbi shpatulla Olta Xhaçka