Futbollistët e së ardhmes të talentuar por pa mbështetje

Disa fëmijë kanë nisur karrierën e tyre si futbollistë dhe e ardhmja premton shumë.

Ndonëse të vegjël, pasioni që kanë për të zotëruar topin, i shtyn për të qenë si idhujt e tyre.

Arvio Molla tregoi se në 4 vite që luan futboll nuk i numëron dot golat që ka shënuar. Idhull ka Kristiano Ronaldon dhe ëndërron të bëhet si ai.

Një tjetër fëmijë i apasionuar pas futbollit tregoi se e ka nisur këtë sport sepse e di që të bën mirë dhe të mban në formë. Idhulli i tij është Mbape.

“Futbolli është pasioni im dhe kam dëshirë kur të rritem të bëhem futbollist,” – u shpreh Irman Shehu.

Fusha e blertë nuk është vetëm e djemve.

Kiara Shabani tregon se prej dy vitesh luan futboll dhe ka rolin e mesfushores. Ndërsa Altea Damjani tregoi se është tifozë e Juventusit dhe ndjek futboll rregullisht.

Dëshira e këtyre fëmijëve është e madhe, por kushtet në të cilat gjendet futbolli në vendin tonë, i zbeh shpresat se e ardhmja e tyre është në Shqipëri.

“Do një mbështetje më të madhe, financiare nëpër klube. Nëse nuk financiojnë, ata që e kanë përsipër për të bërë fushat nuk kemi as ne ku t’i gjejmë fushat,” – tha asistent trajneri Indrit Bardhi.

Fushat private janë zgjidhje e vetme, ku këta fëmijë të stërviten e të përforcojnë talentin e tyre.

LEXONI GJITHASHTU:

• Futbollit bëhet çështje politike në Gjirokastër, u mbyllin stadiumin