Futbollistët francezë anulojnë pritjen festive në Paris

Federata Franceze e Futbollit ka anuluar pritjen e planifikuar në Paris për kombëtaren e këtij vendi, e cila fitoi vendin e dytë në Botërorin e Katarit, raportojnë mediat në Paris.

Franca nuk arriti të mbrojë titullin e saj në Katar, pasi mbrëmë në finalen e Botërorit, pas një gjuajtjeje më të mirë të penalltive, humbi nga Argjentina. Ndeshja në pjesën e rregullt përfundoi pa fitues, 2:2, dhe pas 30 minutash shtesë ishte 3:3. Argjentinasit arritën përfundimisht trofeun për herë të tretë në historinë e vendit.

Presidenti i Federatës Franceze të Futbollit, Noel le Grae tha se avioni me kombëtaren franceze do të mbërrijë në Paris rreth orës 18:00.

“Lojtarët thjesht duan të shkojnë në shtëpi, kështu që nuk do të ketë asnjë pritje në Champs-Élysées. Ata do të shkojnë në shtëpi sapo avioni të ulet në aeroport”, tha ai.

LEXONI GJITHASHTU:

• Argjentina kampione bote në futboll, detajet nga ndeshja
• Argjentina përballë Francës në finale, duel Messi-Mbappe për fitimin e Botërorit