Zërat për përjashtimin e Iranit nga Kupa e Botës po shtohen gjithmonë e më shumë dhe tani FIFA po merr seriozisht në konsideratë një vendim të fortë, sidomos pas kërkesës zyrtare të një pjese të futbollistëve iranianë.

Protestat e shumta për më shumë liri, barazi e drejtësi janë në thelb të kërkesës. Teksa për këtë situatë, futbollistët iranianë kanë dalë me një deklaratë zyrtare ku i kanë kërkuar FIFA-s përjashtimin e vendit të tyre nga Kupa e Botës Katar 2022.

E nëse qeveria botërore e futbollit merr një vendim të tillë ekstrem, vetëm një muaj para startit të Botërorit, atëherë ata që do të marrin vendin e Iranit në Katar janë Emiratet e Bashkuara Arabe.

Kjo, pasi FIFA është e detyruar ta zëvendësojë shtetin e përjashtuar me një përfaqësuese tjetër që bën pjesë në po atë konfederatë, konkretisht në konfederatën aziatike.

LEXONI GJITHASHTU

• Arsenali ndalet nga Southampton, Dortmundi triumfon me goleadë ndaj Stuttgart
• Salah ‘shkëlqen’ ndaj City, Arsenali shkëputet me 4 pikë
• Juventusi bie përballë Benfikës në Champions League, City mposht Dortmundin