Gara presidenciale në SHBA, Agim Nesho: Debat i mbushur me sharje të ndërsjella, Biden ishte fitues

Ish-ambasadori i Shqipërisë në Shtetet e Bashkuara të Amerikës, Agim Nesho tha për Euronews Albania se debati presidencial mes Joe Biden dhe Donald Trump pasqyroi luftën politike në SHBA dhe prodhoi atë që pritej nga përballja e dy filozofive krejt të kundërta.

Z. Nesho e cilësoi të papranueshme gjuhën e përdorur nga të dy kandidatët kundrejt njëri-tjetrit, çka bëri që sipas tij debati të ishte kaotik dhe të mos arrinte qëllimin për të cilin mbahet; shpalosja e alternativave qeverisëse nga kandidatët.

“Ishte më tepër kaotik. Nga shumë analistë u quajt si asnjëherë tjetër në historinë e debateve ku nuk u lejuan të ekspozoheshin qëndrimet e kandidatëve në politikat kryesore të ekonomisë, pandemisë apo çështje të tjera të rëndësishme.

Kishte një intensitet qëndrimesh shpesh fyerje, Biden e quajti kloun, Trump e ndërpriste atë dhe moderatorin. Një debat i tensionuar që sipas sondazheve vetëm 17 për qind amerikanëve kuptuan nga shpjegimet e kandidatëve rreth politikave të tyre drejtuese. Gjuha ishte e tepruar, jashtë çdo etike. por vetë debati ishte përgatitur në mënyrë të tillë nga Trump”, tha ish-ambasadori.

Për shumë njerëz debati u quajt i bezdisshëm tha z. Nesho ndërsa theksoi se sipas sondazheve ishte fituesi i debatit me një marzh shumë të ngushtë 48-41.