Garda e Republikës do përdorë lëndë kimike neuroparalizuese për kontrollin e turmave

Qeveria ka marrë vendimin që të miratojë përdorimin e lëndëve neuroparalizuese dhe pajisjeve të tjera nga Garda e Republikës për kontrollin e turmave.

Sipas vendimit të Këshillit të Ministrave, që mban firmën e kryeministrit Rama, garda do të pajisjet me armatim të ri.

Disa prej armatimeve janë snajperat, shotgun apo robot për çaktivizimin e eksplozivëve. Për shpërndarjen e protestave, do të përdoren lëndë kimike neuroparalizuese, irrituese, verbuese e tymuese, të cilat nuk sjellin dëme të pakthyeshme të shëndetit.

Në vendimin e qeverisë thuhet se deri në rinovimin e plotë të armatimit, strukturat e Gardës së Republikës do të përdorin pajisjet aktuale.