“Gaza duhet të zhduket” – Deklarata e ministrit izraelit ndez më tej tensionet

Një deklaratë e një ministri izraelit ka ndezur edhe më shumë tensionet në Gaza dhe në të gjithë rajonin e Lindjes së Mesme.

“E gjithë Gaza do të jetë hebreje. Qeveria po shtyn përpara që Gaza të zhduket. Falë Zotit, po e zhdukim këtë të keqe. Po e shtyjmë popullsinë që është edukuar me Mein Kampf-in”, tha ultranacionalisti izraelit dhe ministri i ekstremit të djathtë Amihai Ben-Eliyahu, i cituar në X nga gazetari i Axios, Barak Ravid.

Ndërkohë, zyra e kryeministrit izraelit Benjamin Netanyahu njoftoi se “në dritën e përgjigjes së Hamasit ndaj propozimit, është vendosur të tërhiqet ekipi negociator nga Doha për konsultime të mëtejshme në Izrael”.

“Ne vlerësojmë përpjekjet e ndërmjetësve, Katarit dhe Egjiptit, si dhe ato të të dërguarit të Shtëpisë së Bardhë, Steve Witkoff, për të arritur një përparim në negociata”, shtoi zyra e kryeministrit izraelit.

LEXONI GJITHASHTU:

• Britania dhe 24 shtete të tjera dënojnë vrasjen e qindra banorëve në Gaza
• Po kërkonin ndihmë në Gaza, forcat izraelite vrasin 67 palestinezë