Gazetari Burimi tregon se s’ka karantinë për shqiptarët që duan të udhëtojnë në Francë

Analisti dhe gazetari Genc Burimi tregoi në Euronews Albania se qytetarët e Shqipërisë për të hyrë në shtetin e francez duhet të kryejnë vetëm një test PCR, 72 orë më parë dhe se nuk ka karantinë.

Ai nënvizoi se vendet europiane në këtë sezon veror lehtësuan masat anti-COVID për shkak të zhvillimit të turizmit.

“Franca ka shumë nevojë për turistë në këtë moment dhe turistët kryesore që vijnë në Francë janë nga Kina. Kinezët janë bërë sot forca e parë turistike që vijnë në Francë”, u shpreh z. Burimi teksa komentoi lehtësimin e masave nga ana e shtetit francez.

Teksa foli për vendimin e fundit të Bashkimit Europian, ai tha se kjo hapje duhet nënkuptuar si një interes i dyfishtë.

“Kjo hapje duhet nënkuptuar si një interes i dyfishtë, për francezët që duan të udhëtojnë, për evropianët që duan të udhëtojnë jashtë pa kufizime dhe po ashtu për të huaj që vijnë në Europë si turistë ku shpenzojnë”, u shpreh ai.

LEXONI GJITHASHTU:

Franca heq rregullin për mbajtjen e maskës në ambiente publike

Bashkimi Europian heq kufizimet e udhëtimeve për Shqipërinë

Lehtësimi i kufizimeve, në Francë hapen palestrat. Fluks kërkesash për certifikatën e vaksinimit