Gazetari Erl Murati zbërthen domethënien e taktikave elektorale të PS dhe PD

Gazetari Erl Murati i pranishëm në studion e “Ilva Now” në Euronews Albania foli për strategjitë e fushatës së dy partive kryesore, PD dhe PS.

Ai theksoi se PD-ja po zhvillon takime me pjesëmarrje të madhe njerëzish, pasi sipas tij, ajo nuk e ka të garantuar frymën e rrotacionit politik.

“Është kuptueshme që opozitë te këtë një temë tjetër në këtë fushatë elektorale. PD vjen pas tetë vitesh qëndrimi në opozitë, unë besoj se me këto takime të mëdha po them duke shkelur rregullat e pandemisë, mendoj se Partia Demokratike do të kompensojë një lloj perceptimi që ekziston në publik, them perceptimi, sepse nuk e dimë dhe do ta verifikojmë më 25 prill, që atë frymën  po them të shumë kërkuar për të bërë rrotacioni opozita nuk ka të garantuar 100%”, tha Murati.

Sa i takon Partisë Socialiste, gazetari mendon se ajo po luan në mbrojte dhe si “kuaj të betejës” po përdor çështjen e rindërtimit dhe pandeminë.

z. Murati po ashtu u shpreh kritik ndaj PS-së, e cila sipas tij nuk ka mundur të bëjë realitet disa premtime, siç është shëndetësia falas dhe arritjet në sistemin e drejtësisë.

“PS luan në mbrojtje dhe kuajt e betejës i ka bërë rindërtimin dhe pandeminë. Dukshëm çalon edhe ajo me bilancin e saj, sepse në 2013-n është premtuar shëndetësia falas, është premtuar reforma në drejtësi, e cila pre supozohet të prodhonte drejtësi, është një strategji, që këto premtime të 2013 nuk përsëriten si bilance të realizueshme, por kalojnë në menaxhimin e pandemisë dhe tërmetit’, theksoi ai.