Neritan Sejamini: PD duhet ta mbyllë këtë histori me koalicione fiktive

Drejtuesi i emisionit “Me pak Fjalë” në Euronews Albania, Neritan Sejamini, thotë se strategjia e PD-së për të mos garuar në një listë të përbashkët me LSI-në ishte veprim i drejtë pasi garantoi pluralizmin politik.

Ai u shpreh kritik për selinë blu sa i takon raportit me aleatët, pasi për Sejaminin po vërtetohet se nuk i sollën asgjë.

“Unë mendoj se garimi veç e veç ishte gjëja më e drejtë për votuesit, sepse garantoi pluralizmin, garantoi zgjedhjet dhe politika këtu duhet të vijë. Unë jam kundër edhe në listën ne PD u futën edhe aleatët, që siç po provohet nuk kanë sjellë asgjë, por vetëm i kanë marrë PD”, tha  ai.

I pranishëm në “Ilva Now”,  z. Sejamini tha se Partia Demokratike duhet t’i japë fund koalicioneve fiktive dhe të krijojë identitetin e vet.

“Uroj që PD ta mbyllë këtë histori me koalicione fiktive, që mban gjallë parti që s’i sjellin asaj asgjë, më mirë që PD s’u fut në koalicion me LSI, pasi sondazhi tregoi se nuk do të fitonte gjithsesi, tani PD duhet të krijojë identitetin e vet, të bazohet te baza, idetë dhe forcat e veta pa u varur nga koalicionet. Një nga shkaqet e humbjes ishte edhe vonesa e futjes në zgjedhje, vonesë që erdhi pikërisht nga vonesa e formimit të koalicionit”, shtoi ai.