Gazetarja Mejdini: Basha është nën presion, që të mos njohë zgjedhjet

Kryetari i Partisë Demokratike, Lulzim Basha është nën presion të shtuar nga të gjitha anët pas humbjes së zgjedhjeve.

Kështu u shpreh gazetarja e njohur Fatjona Mejdini në studion e “Ilva Now” në Euronews Albania.

Ajo thotë se ish-kryeministri Sali Berisha dhe Presidenti Meta po i ushtrojnë presion, që ai të mos njohë rezultatin e zgjedhjeve të 25 prillit.

“Basha është vërtet nën presion nga të gjitha anët. Ka një presion nga Berisha dhe nga Meta për të mos i njohur këto zgjedhje. Si kreu i pozitës ai dihet të marrë një vendim të rëndësishëm. Unë nuk e di nëse Basha do të kalonte në atë rrugë, sepse do ndihet i rrezikuar edhe në PD në një kohë ku zërat ndaj tij për dorëheqje do rriten. Ky është një presion shumë i madh”, tha ai.

Krahas presionit të brendshëm, znj. Mejdini mendon se kreu i PD-së ndihet i presionuar edhe nga ndërkombëtarët, të cilët sipas saj kërkojnë prej tij të pranojë rezultatin e zgjedhjeve.

“Kemi një presion të madh ndaj Bashës për t’i njohur zgjedhjet nga ana e ndërkombëtarëve. Ne sot kemi parë zëdhënësin e DASH dhe të ambasadave, që kanë theksuar ” falënderojmë kreun opozitës për fushatën  e mirë që ka bërë. Ky është vlerësim për Bashën një hapje dera që ai të njohë procesin dhe tani Bashës  i duhet të bëjë këtë vendim të madh, nëse do të njohë zgjedhjet, Bashës do t’i kërkohet dorëheqja nga… Berisha dhe nga faktorë që Berisha mund t’i influencojë shumë mirë. Rruga e mosnjohjes, nuk i  jep Bashës garanci se ai do jetë kreu i PD”, tha ai.