Gazetarja Rezarta Delisula publikon librin për historinë e panjohur të Tiranës

“Çfarë ka qenë Tirona?” Ky është libri i ri i gazetares Rezarta Delisula ku tregohen të panjohurat për kryeqytetin përmes dokumenteve të arkivave osmane.

Dy vite këmbëngulje e punë për të sjellë këtë libër me fakte shumë interesante mbi jetën e qytetit të Tiranës ne shekullin e 18-19.

Kjo përmbledhje dokumentare nxjerr për herë të parë në dritë jetën sociale të tiranasve, por edhe një listë të plotë të familje të para të qytetit.

Historiania Nevila Nika vlerësoi kërkimin për finalizimin e këtij botimi. “Është kënaqësi për mua të takoj njerëz që japin dhe mundohen të kaluarën e të na e sjellin në të gjithë të mirat dhe të këqijat e veta, sepse pa një të kaluar, pa ditur se nga kemi ardhur nuk dimë se ku shkojmë. Kështu që Rezi dhe një herë faleminderit”, u shpreh znj. Nika.

I pranishëm në promovimin e librit ishte edhe kryetari i Bashkisë së Tiranës Erion Veliaj, i cili njoftoi se Rezarta Delisula do jetë drejtuesja e re e Muzeut Etnografik të Tiranës.

“Tironsit janë Tironsit e mi është gjaku im. Faleminderit që mendove që një institucion të rëndësishëm që i ka munguar qytetit ta drejtoj unë dhe ju premetoj që në atë muze do shihni Tironën që nuk është më”, tha gazetarja.