George Clooney dhe familja e tij marrin shtetësinë franceze: aktori i pakënaqur me politikën e Trump

Aktori i famshëm George Clooney, bashkëshortja e tij Amal Alamuddin dhe dy fëmijët e tyre morën shtetësinë franceze, raporton sot Paris Figaro.

Familja e Clooney-t ka në pronësi një vilë dhe një pronë në rajonin Var që nga viti 2021, ku aktori tha se do të donte që fëmijët e tij të rriteshin dhe të kishin një “jetë normale”.

“Vendi më i lumtur për ne është kjo fermë ku fëmijët po argëtohen, njësoj siç bëja unë kur isha djalë në Kentucky”, tha aktori.

Ylli i filmit “Ocean’s 11” kalon shumë kohë në Evropë, veçanërisht në Francë, sipas Figaro-s.

“E dua kulturën franceze dhe gjuhën tuaj, edhe pse ende e flas keq pas 400 mësimeve”, tha Clooney për radion RTL në fillim të dhjetorit.

Aktori nuk njoftoi publikisht se kishte aplikuar për shtetësi franceze, por nuk e fshehu se ishte i pakënaqur me politikat e Presidentit Amerikan Donald Trump.

Në mars, presidenti amerikan e quajti Clooney-n një aktor të dorës së dytë pasi ai shprehu shqetësim për lirinë e shtypit në Amerikë.

Clooney, i cili është një demokrat i bindur, tha se nuk pendohet për deklaratat e tij dhe se nuk i intereson që Trump e quajti atë një aktor të dorës së dytë.

“Puna ime nuk është të kënaq presidentin e SHBA-së. Detyra ime është të përpiqem të them të vërtetën kur të mundem dhe kur të kem mundësi”, përfundoi aktori, raportoi Figaro.