“Gishtat e mesit, korrupsionit”, kreu i FRPD: Posteri ishte sekret! Ja kush e mendoi

Kryetari i Forumit Rinor të Partisë Demokratike Besart Xhaferri tha për Euronews Albania se posteri i Belind Këlliçit ka qenë surprizë edhe për  vetë strukturat e brendshme të PD.

Ai tha se posteri është bërë nga ekspertët e kominikimit pranë Belind Këlliçit dhe se mesazhi që përcjellë është se “korrupsioni do luftohet pa asnjë lloj etike”.

“Mendoj se ka qenë një publikim sekret dhe surprizë për të gjithë edhe për kampin e PD-së.  Nuk kemi qenë ne në ideimin e këtij posteri, ka qenë një grup PR strategjistësh, me aprovimin e Belindit që e bëri këtë gjë.

Ajo që mendoj unë është se po mungon etika, por që ndoshta ky është sinjali, që nuk do ketë etikë. nëse e marrim në këtë këndvështrim mendoj se sidomos rinia, shikon një shfryrje të saj të ky sinjal që korrupsioni do luftohet pa etik”,-tha Besart Xhaferri.

LEXONI GJITHASHTU:

• Edi Rama: Akademia e klubit të Manchester City do ketë kampusin e saj në Durrës
• Pse Ukraina nuk e njeh Kosovën? Goncharenko: Kemi frikë se kjo do përdoret më pas