Gjakftohtë dhe e armatosur ‘deri në dhëmb’, momenti kur 28-vjeçarja sulmon shkollën

Mediat amerikane kanë publikuar pamjet nga sulmi me armë zjarri që ndodhi ditën e hënë në një shkollë në Nashville.

Në video shihet autorja e sulmit, Audrey Elizabeth Hale, e cila mbërrin në ambientet e shkollës me automjetin e saj dhe më pas hynë e armatosur me tre armë në shkollë.

Me kapele të kuqe, jelek antiplumb dhe armët në dorë, 28-vjeçarja futet në ambientet e brendshme të shkollës dhe kërkon klasat ku ndodhen nxënësit.

Si pasojë e të shtënave u vranë 3 fëmijë dhe tre punonjës të shkollës.

28-vjeçarja që u identifikua si transgjinore, u përshkrua nga zyrtarët si një “e vetmuar”, që jetonte në Nashville dhe ishte e armatosur me dy pushkë dhe një pistoletë.

Ajo u ekzekutua nga forcat e policisë, ndërkohë që për rastin ka reaguar dhe presidenti Biden.

Ai tha se SHBA duhet të bëjë më shumë për të mbrojtur shkollat dhe i bëri thirrje Senatit të miratojë ndalimin e armëve sulmuese – që do të kriminalizonte shitjen, prodhimin, transferimin, posedimin ose importimin e ditur të shumë llojeve të armëve gjysmë automatike dhe “me kapacitet të madh”.

LEXONI GJITHASHTU:

• Kamioni përplaset me dy makina, 6 të vdekur dhe 3 të plagosur
• Një i njohur ju telefonon për t’ju kërkuar para?! Po qarkullojnë mashtrimet audio
• Ngrini sytë në qiell pas perëndimit të diellit! Sot ndodh fenomeni i rrallë