Gjendet një automjet i djegur, dyshohet i autorëve të atentatit në Laç

Një automjet i djegur është gjendur në fshatin Borizanë në Krujë. Dyshohet se ky automjet i përket autorëve të atentatit ndodhur mbrëmjen e së premtes në Laç, ku mbeti i vrarë Klisman Preçi dhe i plagosur Ylli Brahimi.

Ngjarja dyshohet se ka lidhje me atentatin e dyshohet se ka lidhje me atentatin e Fushë-Krujës, ndodhur disa ditë më parë.

Kjo për shkak se një prej shënjestrave të atentatit të sotëm, Ylli Brahimi njihej si krah dhe lidhje e Ervis Martinaj.

Tre persona mbetën të vdekur nga një atentat në mbikalimin e Fushë-Krujës, mesditën e së dielës.

Viktimat e atentatit në mbikalimin e Fushë-Krujës ishin me precedent kriminal në fushën e krimeve ndaj personit, pjestarë të grupit kriminal të Ervis Martinaj.

Brilant Martinaj, 23 vjeç, banues në Fushë Kuqe, ishte me precedent kriminal i dyshuar për vepren penale ‘Vrasja me paramendim e kryer në bashkëpunim dhe armëmbajtja pa leje’.

Diklen Vata, 30 vjeç, njihej si person me precedent penal, ishte lidhje e afërt shoqërore  e Brilant Martinajt dhe pjesëtar i grupit kriminal të Ervis Martinajt.

Arbër Hoxha, 34 vjec, nga Fushë-Kuqe, ishte lidhje e afert shoqërore e Brilant Martinajt dhe pjesëtar i grupit kriminal të Ervis Martinajt.

LEXONI GJITHASHTU

• I plagosuri në Laç miku i Ervis Martinanj, lidhja me atenatin e Fushë-Krujës
• Një viktimë nga atentati në Laç
• Euronews Albania siguron fotot e 3 viktimave të atentatit të Fushë-Krujës