Gjeorgjia miraton mes protestave të shumta ligjin për “agjentët e huaj”

Parlamenti gjeorgjian ka miratuar një ligj të diskutueshëm që shtrëngon kontrollet dhe rrit gjobat për organizatat që marrin fonde nga jashtë.

Çdo kompanie, duke përfshirë mediat dhe OJQ-të, tani do t’i kërkohet të regjistrohet si “duke ndjekur interesat e një fuqie të huaj” nëse merr mbi 20 përqind të fondeve nga jashtë.

Opozita e përcaktoi projektligjin si “ligji rus”, duke tërhequr paralele me përdorimin e masave të ngjashme nga Moska për të shtypur mediat e pavarura dhe për të stigmatizuar aktivistët.

Miratimit të ligjit i paraprinë javë të tëra protestash intensive dhe të përhapura në Gjeorgji të shënuara nga përleshje midis protestuesve dhe autoriteteve policore, si dhe disa arrestime, me dhjetëra mijëra njerëz që dolën në rrugë.

Në një përpjekje të dëshpëruar për të ndaluar hyrjen e projektligjit në leximin përfundimtar, aktivistët u përpoqën të bllokojnë hyrjen e parlamentit të hënën, ndërsa gjatë fundjavës, tubime të mëdha u zhvilluan në rrugët e kryeqytetit, Tbilisi, me protestues të veshur me flamuj gjeorgjian dhe të BE-së.

LEXONI GJITHASHTU:

• Gjeorgjia miraton ligjin ‘rus’, Von der Leyen: Vendi po del nga rruga evropiane
• Sherr në Parlamentin gjeorgjian, deputeti i opozitës godet me grushte rivalin