Gjermania arreston një amerikan nën akuza për spiunazh

7 Nëntor 2024 | 17:30

Një amerikan, ish-punonjës i forcave amerikane të stacionuara në Gjermani, është arrestuar nën dyshimet se kishte ofruar që të japë informacione për ta te Kina, thanë prokurorët gjermanë më 7 nëntor.

Sipas prokurorëve, personi i arrestuar, i identifikuar vetëm si Martin D., po mbahet “nën dyshime për shprehjen e vullnetit për të ndërmarrë aktivitete të inteligjencës për një shërbim të huaj të inteligjencës”. Prokurorët shtuan se ai kishte “kontaktuar zyrtarë kinezë më 2024 dhe kishte ofruar që t’u jepte informacione të ndjeshme lidhur me ushtrinë amerikane”.

Prokurorët gjermanë thanë se ai është arrestuar në Frankfurt të enjten dhe banesa e tij është kontrolluar.

Sipas tyre, ai kishte punuar për forcat amerikane “deri kohëve të fundit” dhe kishte ofruar t’i japë Kinës “informacione që ai kishte falë punës së tij për forcat amerikane”.

Hetimi është kryer “në koordinim të ngushtë” me inteligjencën gjermane, thanë prokurorët.

Muajin e kaluar, Gjermania tha se kishte forcuar kontrollin për stafin në zona të ndjeshme të Qeverisë dhe bizneseve, pas rritjes së frikës për spiunazh.

Në Gjermani ka rritje të rasteve të dyshuara të spiunazhit të lidhura me Rusinë, që kur ka nisur lufta në Ukrainë, por edhe raste për spiunazh për Kinën.

Rasti i profilit më të lartë të spiunazhit të dyshuar për Kinën përfshin një ndihmës të një anëtari të Parlamentin Evropian të ekstremit të djathtë. Ai ishte arrestuar në prill nën dyshimet se kishte spiunuar për Pekinin.

Home Kryefaqja
Shiko në: YouTube
Lajme të Sugjeruara

Tërmetet e njëpasnjëshme në Venezuelë, Von der Leyen shpreh solidaritet për popullin venezuelian

Presidentja e Komisionit Evropian, Ursula von der Leyen, shprehu solidaritet për popullin venezuelian të enjten pas tërmeteve vdekjeprurëse që goditën vendin gjatë natës. “Shprehim solidaritetin...
10:17 | 25/06/2026

Politikani rus dënohet me 7 vite burg për dy postime në rrjetet sociale kundër luftës

Zëvendëskryetari i partisë Yabloko të Rusisë, Maxim Kruglov u dënua me 7 vite burg të mërkurën për përhapjen të gënjeshtrave rreth ushtrisë ruse. Kruglov u arrestua në...
10:17 | 25/06/2026

Grupi E5 mblidhet në Berlin, udhëheqësit evropianë premtojnë një rol më të fortë në NATO para takimit me Trump

Udhëheqësit e Gjermanisë, Francës, Italisë, Mbretërisë së Bashkuar dhe Polonisë u zotuan të forcojnë shtyllën evropiane të NATO-s përpara një takimi të mërkurën midis shefit...
10:09 | 25/06/2026