Gjermania lehtëson kufizimet e udhëtimeve për Kosovën, nga data 25 qershor

Nga 25 qershori do të ketë lehtësime të kufizimeve për udhëtimet nga Kosova drejt Gjermanisë, për personat e vaksinuar kundër COVID-19.

Njoftimin e bëri të ditur ambasada e Gjermanisë në Kosovë, ku theksoi se personat e vaksinuar, dy javë pas marrjes së dozës së fundit të vaksinës do të mund të udhëtojnë drejt Gjermanisë për qëllime të ndryshme, përfshi edhe ato turistike, me kusht që të posedojnë vizën Schengen.

“Nga 25.06.2021 lehtësime të kufizimeve të udhëtimit nga Kosova drejt Gjermanisë për personat plotësisht të vaksinuar kundër COVID-19. Me efekt nga data 25.06.2021 për personat plotësisht të vaksinuar kundër COVID-19 sërish do të jenë të mundshme udhëtimet nga Kosova drejt Gjermanisë me parakushte të caktuara. Personat plotësisht të vaksinuar, dy javë pas marrjes së vaksinës së fundit do të mund të udhëtojnë drejt Gjermanisë për vizita, udhëtime afariste dhe qëllime turistike, me kusht që të posedojnë vizën eventualisht të nevojshme”, – thuhej në njoftimin e ambasadës.

LEXONI GJITHASHTU:

• Mungesa e testeve COVID në kufi, pushuesit nga Kosova zgjedhin Shqipërinë
• Rasti me variantin afrikan në Kosovë, Ahmeti: Pacienti nuk ka udhëtuar jashtë vendit, po gjurmohen kontaktet
• Operatorët turistikë tregojnë për Euronews Albania destinacionet e preferuara të shqiptarëve në Shqipëri, Kosovë dhe RMV