Gjimnazistët në shkollë, klasat e 10-ta dhe 11-ta nisin mësimin e kombinuar

Pas më shumë se dy muajsh mësim vetëm online janë rikthyer në shkollë vitet e para dhe të dyta të gjimnazeve në zonat e cilësuara më herët me risk të lartë të përhapjes së virusit.

Të pyetur nga Euronews Albania nxënësit thonë se e mirëpritën rikthimin në bankat e shkollës, pasi një pjesë e tyre nuk e kanë ndjekur mësimin online.

‘Ka pasur vështirësitë e veta, por që ata që e kanë ndjekur kemi marrë edhe njohuri të reja. Po ka pasur dhe nxënës nuk e kanë ndjekur”, u shpreh një nxënëse.

“Nuk ishte dhe aq i mirë, se e kemi marrë me përtesë shumë, e mira do ishte të riktheheshim në shkollë”, pohoi një nxënës.

Megjithatë jo të gjithë nxënësit e mirëpritën vendimin e Komitetit të Ekspertëve për zhvillimin e mësimit edhe në shkollë.

“Skandaloz, ishim mësuar online (qesh)”, tha një tjetër.

Për nxënësit e klasave të dhjeta dhe njëmbëdhjeta mësimi do zhvillohet i alternuar, disa ditë online e të tjera në shkollë.

Ndërkaq, maturantët po zhvillojnë mësim vetëm në ambinetet e shkollës.

Lexoni gjithashtu:

Nga nesër, karantinë 2-javore për udhëtarët nga RMV-ja dhe Greqia, gjimnazistët rikthehen në klasa