Ministria e Shëndetësisë zbulon sa do të gjobiten ata që nuk mbajnë maska

Nga nesër, maska ose barriera mbrojtëse prej tekstili bëhet e detyrueshme në çdo ambient jashtë shtëpisë.

Në një komunikim për mediat drejtorja e Institutit të Shëndetit Publik, Albana Fico bëri me dije rregullat e reja për përdorimin e maskës, rastet kur ajo duhet mbajtur dhe rastet që bëjnë përjashtim nga ky rregull, por me disa kushte.

Znj. Fico deklaroi se moszbatimi i kësaj masë do të ketë penalitete sipas Aktit Normativ me 3 mijë lekë për shkelësit për herë të parë, dhe 5 mijë lekë për shkelje të përsëritur.

“Përdorimi korrekt kërkon që maska të mbulojë hundën, gojën dhe mjekrën. Maska kirurgjikale hidhet ne kosh pas përdorimit. Maska prej tekstili duhet larë në 60 gradë pas çdo përdorimi.

Maska duhet pasur gjithmonë me vete. Sa herë dilni nga shtëpia, çdo person mbi moshë 11 vjeç duhet të mbajë maskë gjatë gjithë ditës, në çdo dyqan, market apo njësi tregtare. Në mjetet e transportit publik dhe gjatë ecjes në rrugë”, tha ndër të tjera znj. Fico.

Lexoni gjithashtu

Maskat, kur duhen mbajtur dhe kur lejohet të mos i përdorni – Ministria e Shëndetësisë publikon rregullat e reja