Gjobiten 1579 qytetarë për mosmbajtje të maskës dhe 7 të tjerë për thyrje të karantinës pas orës 22:00

Policia ka ndëshkuar me gjobë prej 3 mijë lekësh për mosmbajtje të maskës 1579 qytetarë gjatë fundjavës.

Burime nga policia e shtetit bëjnë me dije se masë administrative pati edhe për 7 qytetarë që nuk zbatuan masat kufizuese pas orës 22:00, në fundjavë si dhe u ndëshkua me gjobë prej 1.000.000 lekësh një subjekt që nuk respektoi protokollet e sigurisë.

“Gjatë kontrolleve në fundjavë janë shoqëruar në ambientet e Policisë në të gjithë vendin, 10 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë. 

Gjithashtu, gjatë fundjavës, pas orës 22:00 janë konstatuar edhe 7 qytetarë që lëviznin në rrugë pa arsye të domosdoshme, të cilët janë ndëshkuar me masën administrative 10.000 lekë secili”, sqaroi policia.