Gjobiten për mosmbajtje të maskës 523 qytetarë, 1 mln lekë gjobë lokalit që shkeli protokollet e sigurisë

Policia ka gjobitur me masën administrative 3 mijë lekë të reja secili 523 qytetarë të cilët nuk kishin mbajtur maskën në ambiente publike.

Burime nga policia bëjnë me dije se masë administrative u ndërmor edhe ndaj 13 shtetasve që u konstatuan duke lëvizur në këmbë pas orës 22:00.  

Ndërkohë, u ndëshkua me 1.000.000 lekë gjobë një subjekt që ushtronte aktivitetin në kundërshtim me protokollet e sigurisë.

“Gjatë kontrolleve janë shoqëruar në ambientet e Policisë në të gjithë vendin, 5 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë”, bën me dije policia.