Gjobitet politikani i ekstremit të djathtë në Gjermani, fraza naziste që përdori

Një gjykatë gjermane ka gjobitur një anëtar drejtues të partisë së ekstremit të djathtë Alternativa für Deutschland për përdorimin e një fraze të ndaluar naziste në një tubim politik.

Gjykata shtetërore në Halle e dënoi Björn Höcke, shefin e AfD-së në rajonin lindor të Turingisë, për përdorimin e qëllimshëm të një slogani të lidhur me krahun paraushtarak të partisë naziste, SA.

Ddeklaratat provokese u bënë në një tubim elektoral në një fjalim fushate në maj 2021.

Höcke, një ish-mësues historie, e mbylli fjalën e tij në miting me thirrjen “gjithçka për Gjermaninë”.

Kryetari i trupit gjykues në seancën e mabjtur të martën tha se profesiori i historisë ishte i vetëdijshëm për kuptimin e frazës dhe lidhjen me ideologjinë naziste.

Gjykata e gjobiti atë me 13,000 € edhe pse rokurorët kishin kërkuar një dënim prej gjashtë muajsh me kusht.

Höcke, e quajti dënimin me gjobë nga gjykata si një goditje politike.

52-vjeçari mbajti fjalimin fyes për rreth 250 njerëz në një tubim të AfD në Merseburg në shtetin e Saksonisë-Anhalt. Slogani i plotë që ai përdori ishte: “Gjithçka për atdheun tonë, gjithçka për Saksoni-Anhalt, gjithçka për Gjermaninë”.

LEXONI GJITHASHTU: 

• Pse ekstremistët gjermanë të AfD janë të papranueshëm edhe për të djathtët evropianë
• Zbulohet takimi i AFD me grupin ekstremist, “masterplan” për dëbimin e emigrantëve
• Ligjvënësit gjermanë akuzojnë AfD-në për përhapje të propagandës ruse