Gjykata e Posaçme lë në fuqi masën “arrest shtëpie” për Rovena Vodën

Ditën e sotme, Gjykata e Posaçme ka lënë në fuqi masën e sigurisë “arrest shtëpie” për ish-zv.ministren e Brendshme, Rovena Voda dhe dy personat e tjerë, Majlinda Hasani dhe Florida Beun.

Znj. Voda akuzohet për ushtrim të ndikimit të paligjshëm ndaj personave që ushtrojnë funksione publike.

Konkretisht ish-zv. ministrja akuzohet se ka marrë përfitime monetare dhe materiale për të punësuar në administratën publike Florida Beun, ku si ndërmjetëse ka qenë Majlinda Hasani.

Sipas SPAK, znj. Voda ka marrë nga shtetasja e mësipërme shumën prej 1 mijë eurosh, një celular dhe një arkë me peshk.

Ky rast u zbulua gjatë përgjimeve që sollën arrestimin e prokurorit të Kukësit, Edmond Kariqi.

LEXONI GJITHASHTU:

• Rovena Voda ra në ‘rrjetën’ e SPAK nga përgjimet e prokurorit të Kukësit, Edmond Kariqi
• Arrest shtëpie për ish-zv.ministren e Brendshme, Rovena Voda
• Tenderi 25 milionë euro për uniformat, policët ankohen për cilësinë e dobët të materialit