Gjykata italiane: Përshëndetja fashiste është krim vetëm nëse kërcënon rendin publik

Një përshëndetje fashiste është krim vetëm nëse kërcënon rendin publik ose nëse mund të çojë në ringjalljen e një partie të ndaluar fashiste, njoftoi sot Gjykata e Kasacionit italian në një vendim të mirëpritur nga neofashistët.

Në marrjen e vendimit të saj, Gjykata e Kasacionit urdhëroi një gjyq të dytë të apelit për tetë militantë neofashistë që kryen një përshëndetje fashiste gjatë një ngjarjeje përkujtimore në Milano në vitin 2016 për të shënuar përvjetorin e vrasjes së një anëtari të grupit të tyre në atë qytet në 1975, raportoi “The Guardian”.

“Gjykata e Kasacionit vendosi se përshëndetja romake nuk është një krim, përveç nëse ekziston një rrezik konkret i rindërtimit të partisë fashiste, ose ka qëllime konkrete të diskriminimit racor dhe dhunës”, tha avokati i të pandeurve Domenico Di Tulio.

Vendimi nënkupton se gjesti, i njohur gjithashtu si përshëndetja romake, nuk është krim nëse kryhet në ngjarje të ngjashme me mitingun e fundit në Romë që shkaktoi zemërim.

Në një pamje të videos, qindra burra mund të shihen duke kryer përshëndetjen fashiste në Romë në fillim të janarit për të shënuar 46-vjetorin e vrasjes së tre militantëve nga krahu i të rinjve të Lëvizjes Sociale Italiane (MSI), tashmë të zhdukur. Partia neo-fashiste e themeluar pas Luftës së Dytë Botërore, e cila përfundimisht u shndërrua në Vëllezërit e Italisë, një parti e udhëhequr nga kryeministrja Giorgia Meloni.

Kryeministrja ka bërë thirrje për ndalimin e grupeve neofashiste pasi turmat u filmuan duke përshëndetur në Romë.

LEXONI GJITHASHTU:

• Pakti me Italinë, Rama: Po japim kontribut kundër emigracionit të paligjshëm
• Procedohen penalisht 4 infermierë në spitalin e Delvinës