Gjykata jep nesër vendimin për kolegjin turk, “Mehmet Akif”

Ditën e nesërme, Gjykata Administrative e Shkallës së Parë do të japë vendimin në lidhje me mbylljen e kolegjit turk, “Mehmet Akif”.

Mësohet se vendimi për këtë kolegj, do të jepet në orën 08:30.

Më 26 shtator, gjimnazistet e kolegjit “Mehmet Akif”, protestuan kundër vendimit të qeverisë për mbylljen e këtij institucioni arsimor.

Ata u mbledhën para ministrisë së Arsimit, ndërsa thanë për mikrofonin e Euronews Albania se nuk ju kanë dhënë asnjë arsye mjaftueshëm të fortë sa për të justifikuar mbylljen e gjimnazit të tyre.

Qeveria vendosi më 22 shtator, për mbylljen  “Mehmet Akif”. Ky institucion funksiononte në Shqipëri që nga viti 1996 dhe është ndër të parat shkolla të mesme private të hapura në vend pas viteve 90’.

Vendimi i qeverisë ngarkon kolegjin që të mbulojë të gjitha shpenzimet për kryerjen e procedurave për transferimin e nxënësve.

Gjithashtu në vendim, kolegjit i kërkohet që të kthejë pagesat e kryera nga prindërit për pjesën e papërfunduar të shkollimit.

LEXONI GJITHASHTU

• Rama nxënëseve të “Mehmet Akif”: Protestoni kundër pronarëve, jo qeverisë
• Mbyllja e kolegjit turk, nxënësit protestojnë të hënën para Ministrisë së Arsimit
• Mbyllja e kolegjit turk, reagon Rama