Gjykata Kushtetuese shtyn më 3 shkurt seancën për Metën

Gjykata Kushtetuese nisi të martën shqyrtimin e vendimit të Parlamentit për shkarkimin e Presidentit, Ilir Meta.

Seanca nisi rreth orës 10:00 duke vazhduar pa ndërprerë deri në orën 15:00. Pas dy orë pushim seanca rinisë dhe vazhdoi deri në orën 19:00.

Më pas Gjykata vendosi që të shtyjë seancën për ditën e enjte në orën 10:00.

Kjo nuk është hera e parë që Gjykata Kushtetuese shtyn vendime të rëndësishme që pas rivënies në funksion nga paralizimi për një kohë të gjatë nga veting.

Relatori i çështjes, Përparim Kalo i drejtoi 29 pyetje përfaqësuesve të Kuvendit.

Në seancën e së enjtes, pritet të dëgjohet pala tjetër, Presidenti.

Vetëm Meta nuk pritet të jetë i pranishëm në sallë, por do të jenë përfaqësues të tij ligjor.

Këshilltari Ligjor i Presidentit, Bledar Dervishaj, deklaroi se gjyqtarët kanë konflikt interesi në shqyrtimin e kësaj çështje.

Por, asnjë prej gjyqtarëve nuk u tërhoq duke mos pranuar pretendimin.

Në qershor të vitit te kaluar, 104 deputetë votuan pro shkarkimit të Presidentit Meta.

Maxhoranca socialiste e fajëson atë për deklarata publike para dhe gjatë fushatës për zgjedhjet parlamentare, të cilat sipas socialisteve kanë shkelur Kushtetutën.