Gjykata spanjolle dënon me 30 vjet burg një prift për abuzim seksual

Gjykata e Lartë e Spanjës konfirmoi dënimin me 30 vjet burg që një gjykatë më e ulët vendosi ndaj një ish-prifti për abuzim seksual me shtatë djem që ai i jepte mësim në një shkollë me konvikt teologjik, raporton Associated Press.

Gjykata konstatoi se abuzimi ndodhi midis viteve 2013 dhe 2016 në një shkollë në qytetin Cijudad Real dhe viktimat ishin rreth 13 vjeç në atë kohë.

Gjatë mësimeve të notit, i akuzuari ka luajtur lojëra me disa djem, duke i tërhequr në ujë duke i kapur organet gjenitale dhe ka bërë që disa prej viktimave të qëndrojnë lakuriq para tij si “provë besimi”.

Në vitin 2020, ai u dënua me 30 vjet burg për abuzim seksual.

Ish-prifti u ankua në Gjykatën e Lartë, e cila sot la në fuqi vendimin e shkallës së parë, duke e gjobitur me 52.920 euro dhe duke e urdhëruar të paguajë 2 mijë euro dëmshpërblim për secilën viktimë.

Shoqata që përfaqëson viktimat e abuzimit nga priftërinjtë kur ishin të mitur (ANIR) e mirëpriti vendimin e gjykatës.

LEXONI GJITHASHTU:

• Papa emëroi 20 kryepriftërinj, në Vatikan gjithnjë e më pak kardinalë nga Evropa