Gjyqi ndaj Salih Mustafës, gjykatësi i procedurës paraprake të Speciales refuzon lirimin me kusht

Gjykatësi i procedurës paraprake në Dhomat e Specializuara në Hagë, ka refuzuar kërkesën e mbrojtjes për lirimin me kusht të Salih Mustafa.

Ndër arsyet e refuzimit, siç theksohet në vendimin i cili është publikuar në faqen e Dhomave të Specializuara përmendet “pozicioni i Mustafës brenda aparatit të sigurisë dhe inteligjencës së Kosovës, që i siguron atij qasje në informacione dhe burime që do lehtësojnë çdo përpjekje për të ikur; pengojnë procedurat përmes ndërhyrjes në viktima dhe dëshmitarë, ose të kryejë krime të mëtejshme”.

Mustafa u arrestua më 24 shtator në shtëpinë e tij që gjendet në periferi të Prishtinës, pasi i ishte konfirmuar aktakuza për dyshimet për kryerjen e krimeve të luftës, përfshirë këtu veprat penale si: ndalim arbitrar, trajtim mizor, torturë dhe vrasje të paligjshme.

Arrestimi i Mustafës ishte i pari që nga themelimi i Dhomave të Specializuara dhe Zyrës së Prokurorit të Specializuar, që njihen edhe si Gjykata Speciale, në vitin 2015.

Lexoni gjithashtu: 

Prokurori special nesër jep detaje në Hagë rreth rastit të Salih Mustafës

Salih Mustafa para Gjykatës Speciale, nuk deklarohet për akuzat për krime lufte