Gjyqtarja e 7-të e Kushtetueses/ Kush është Sonila Bejtja

Sonila Bejtja është betuar sot para Presidentit të Republikës duke u bërë zyrtarisht anëtare e Gjykatës Kushtetuese.

46-vjeçarja ka plotësuar vakancën e krijuar pas dorëheqjes së ish-gjyqtarit Besnik Muçi, i cili pak ditë pasi mori zyrtarisht detyrën u rrëzua nga Kolegji i Posaçëm i Apelimit.

Për këtë vakancë, Këshilli i Emërimeve në Drejtësi ia dërgoi emrin e Sonila Bejtja, kreut të shtetit duke e renditur kandidaturën e saj me 76.83 pikë.

Sonila Bejtja është diplomuar për drejtësi në Universitetin e Milanos në vitet 1994-2000 me rezultate të larta.

Pas universitetit, znj. Bejtja ka marrë titullin e Avokates nga Dhoma Kombëtare e Avokatëve në Tiranë, ndërsa në vitin 2011 ka marrë dhe titullin e Noteres nga Dhoma Kombëtare e Noterëve në Tiranë.

Në periudhën 2000-2001, znj. Bejtja ka kryer një trajnim si pjesë e Bankës Botërore për konsulencë ligjore. Ajo është njohëse e mirë e gjuhëve të huaja si anglisht, italisht dhe frëngjisht.

Lexoni gjithashtu:

Anëtari i 6-të i Kushtetueses/ Kush është Përparim Kalo

Anëtari i 5-të i Kushtetueses/ Kush është Altin Binaj

Anëtarja e 4-të e Kushtetueses/ Kush është Fiona Papajorgji

Anëtarja e 3-të e Kushtetueses/ Kush është Marsida Xhaferllari

Anëtarja e 2-të e Kushtetueses/ Kush është Elsa Toska

Kryetarja e Kushtetueses/ Kush është Vitore Tusha