Goditet rrjeti i prostitucionit në Tiranë, arrestohen eskortat ruse e latine

Policia e Tiranës ka goditur një rrjet prostitucioni në kryeqytet dhe ka vënë në pranga organizatoren kolumbiane së bashku me 6 vajza të huaja.

“Blutë” bëjnë me dije se në pranga kanë rënë kolumbiania Beisi Yusmar Rojas Ruiz, 30 vjeçe, e cila ishte organizatore e rrjetit të prostitucionit në Tiranë si dhe Lismar Maryelis John Perez, 28 vjeçe, Leidi Yaritza Anillo Bolano, 23 vjeçe,  Yuri Lorena Vargas Sanchez, 28 vjeçe, Daniela Carolina Mendoza Barboza, 28 vjeç,  Margarita Grushevskaia, 21-vjeçe dhe Laura Vanesa Mercado Baselge, 22 vjeçe.

Vajzat e arrestuara mësohet se janë me origjinë nga Spanja, Kolumbia, Venezuela dhe Rusia, të cilat kishin ardhur në kryeqytet për të ushtruar prostitucion.

“Nga veprimet hetimore ka rezultuar se shtetasja B. R. shfrytëzonte për prostitucion shtetaset e tjera të arrestuara, të cilat kishin ardhur nga vende të ndryshme në Shqipëri, ishin akomoduar në banesa me qira, në zona të ndryshme të Tiranës dhe nëpërmjet një faqeje në internet krijonin kontakte me njerëz të ndryshëm, për të ushtruar prostitucionin kundrejt pagesave’- njofton policia.

Po ashtu, në kuadër të operacionit “Contact”, u proceduan penalisht 4 shtetas, të cilët kishin ua dhënë me qira banesat e tyre, pa deklaruar në organet tatimore, shtetaseve të arrestuara.

Në cilësinë e provës materiale u sekuestruan pasaportat e 7 shtetaseve të arrestuara.

Materialet i kaluan Prokurorisë për veprime të mëtejshme procedurale.

LEXONI GJITHASHTU:

• ‘U dorëzua, i dhashë ultimatum’, Berisha për deklaratën e Ramës për fashën 800kw
• “Euronews Albania” siguron videon e vrasjes së Pjerin Xhuvanit në Elbasan